60 опасни навивачи на листата за забрана за влез во Македонија- еден веќе се обидел да влезе во државата

7 August, 2017 - 15:42

Интерпол до македонската полиција има доставено листа од имиња и податоци на 60 опасни и проблематични навивачи. За нив МВР издаде забрана за влез во државата се до завршување на Супер купот.

На листата се наоѓаат лица со екстремни ставови, веќе регистрирани како опасни прекршувачи на законот на спортски натпревари и на други јавни настани.  Меѓу опасните според Интерпол имало лица од европски земји, од Шпанија и од Англија (од каде се двата тима учесници во Супер-купот), но имало и неколкумина познати екстремни навивачи од соседството, Грција, Србија, Косово и Хрватска.

Едно лице од листата на Интерпол вчера се обидело да влезе во државата преку граничен премин во Македонија, но по проверките и утврдувањето дека е на стоп-листата лицето е вратено назад.

За безбедноста на Супер купот се грижат над 2 илјади македонски полицајци, а помош во техника и информации полицијата добива и од полициските и безбедносните служби на пријателските земји.  

Миомир Серафиновиќ

Веста е прочитана 7826 пати

Copyright 2015 Телевизија Телма. Сите права се задржани. Текстов не смее да се печати или емитува, во целина или во делови, без договор со Телевизија Телма.