Вести Свет

Ракометари, свештеници, српскиот амбасадор во Подгорица, сопственик на медиум работеле за странски служби во Црна Гора- добија забрана за влез

28 странски државјани добија забрана за влез во Црна Гора поради работа во интерес на странски служби.

Црногорското МВР и тамошната Агенција за национална безбедност го прекинаа престојот на овие лица и им забранија влез во Црна Гора, а одлуката важи од 30-ти јуни.

Медиумот од Подгорица, Дан, објави дел од имињата на протераните, а меѓу нив е и актуелниот српски амбасадор во Подгорица Владимир Божовиќ.

Меѓу оние што добија забрана за влез се и поранешниот српски ракометар и репрезентативец Владимир Мандиќ, ракометниот голман Дане Шијан (репрезентативец на Србија и Црна Гора), како и Братислав Стоиљковиќ кој е сопственик на консултантската компанија Адриа менаџмент сервис и е претседател на Управниот одбор на Адриа-Јадран медиумска група.

Стоиљковиќ чија телевизија Адриа денеска доби национална фреквенција веднаш по објавата на информацијата е сликан во авион кој летал за Белград. Неговите медиуми имаат блиска врска со М-Тел, српската државна комуникациско-телефонска компанија, а ТВ Адриа имаше обид да стане франшизен медиум на конзервативниот американски канал Фоксњуз.

На листата со забранет влез или прекинат престој во Црна Гора се и две црковни лица на СПЦ, протоереј-ставрофор Велибор Џомиќ кој беше координатор на Правниот совет на Црногорско-Приморската митрополија на СПЦ и архимандрит Данило кој е игумен на манастирот Дајбаби.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани соджини

48-часовен притвор за двајца од приведените во врска со убиството на лекарот Трпковски

Дејан Дејан

Јуриќ: Како да нема човек што е во близина, а да не е сомнителен во случајот со Данка

Дејан Дејан

Четврти ден од потрагата по двегодишната Данка Илиќ

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе