Вести Култура

Културата е место каде меѓу Македонија и Бугарија нема разлики

Во време на затегнати политички односи меѓу Македонија и Бугарија , културата е место каде меѓу нас не постојат разлики , каде заедно можеме да го најдеме вистинскиот пат по кој треба да продолжиме напред. Ова е ставот на директорот на престижниот Национален театар од Софија „ Иван Вазов“, кој вечерва во рамките на завршницата на „ Скупифестивал“, ќе ја изведе претставата „ Орфеј“, чии инсерти од попладневната проба ги гледате.

  • Културата е место во кое ние немаме разлики. Тоа е место каде сите можеме да бидеме заедно и така да го најдеме вистинскиот пат по кој треба да продолжиме напред. Ние активно соработуваме со нашите колеги од Македонија и тоа ни отвора поголем хоризонт, во однос на тоа колку политичарите сакаат да ни дадат, изјави Васил Василев – директор на театарот „ Иван Вазов“ од Софија

Која е таа силата што го тера Орфеј да ја погледне Евридика, на излегувањето од адот и да ја загуби? Дали тоа е љубовта или сомнежот? Ова се прашањата на кои се обидува да одговори претставата, базирана на старогрчкиот мит за музичарот, поет и пророк Орфеј, но и врз документаристика од актерите.

  • Ние не се занимаваме толку со самиот мит за Орфеј и Евридика, кој им е многу познат на сите луѓе. Туку се занимаваме со човечките квалитети на Орфеј. Со таа заемна поврзаност меѓу животот и смртта и љубовта. И дали всушност љубовта не е самиот живот? Од почетокот до крајот и смртта, вели Дарин Ангелов- актер

Ова е авторски проект на словенечкиот режисер Јернеј Лоренци, носител на европската театарска награда „ Премио“ за 2017.

  • Тоа е во голем дел театар на импровизации. Јернеј постојано преку театарот го испитува личното. Според него , театарот треба да ја допре личноста, така што ќе ја промени и според нејзиниот светоглед да и раскажува на публиката. И цело време тој ни кажуваше дека всушност тоа што го правиме на сцената е еден заеднички простор со публиката, изјави Билјана Петринска- актерка

Претставата во која и музиката е актер, пристигна преку бугарскиот Културно – информативен центар во Скопје.

Сотир Трајков

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани соджини

Јакимовски: Нема да се повлечам од изборната трка, ќе поднесам кривична против н.н. сторител, ова е акт на насилство

Дејан Дејан

Пленковиќ: Постапките на Милановиќ и СДП се мини државен удар

Дејан Дејан

Тилев во „Топ тема“: Механизмот за проверка на странски директни инвестиции во ЕУ влезе во сила во 2020 година, доби на острина по руската агресија врз Украина

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе