Драма се случува во Атлантскиот Океан. Подморница која превезува туристи на разглед на остатоците од потонатиот брод Титаник исчезна во океанот со екипажот и неколку туристи во неа. Во тек е потрага.
Не е јасно колку луѓе имало во подморницата во моментот. Ова е една од малите подморници на компанијата Оушан Гејт, наречена Титан, и само таа може да се спушти до остатоците на славниот брод кој лежи на речиси 4 илјади метри под вода. Компанијата наплаќа по 250 илјади долари по човек за ваква туристичка експедиција длабоко во морето која трае осум дена. Целосното нуркање до потонатиот брод, вклучувајќи спуштање и искачување, трае осум часа. Подморницата е голема колку камион и во неа може да има пет лица, пилотот, тројца гости и еден стручњак за патувањето, како и залихи на кислород за 4 дена. Титаник, кој беше најголем брод на времето, удри во санта мраз на првото свое патување од Саутемтон до Њујорк во 1912-та година. Од 2.200 патници и екипаж, повеќе од 1500-тини загинаа.
Не се знае кога подморницата го прекинала контактот со крајбрежната стража, но експертите јавуваат за неколку можни сценарио зошто се случил овој инцидент. Истакнуваат дека самата операција на спасување е тешка бидејќи самиот потонат брод лежи на ровко тло кое лесно се заматува.
